Manku Kapak

Manku Kapak
Persona informo
Naskiĝo	30-an de novembro 1199 (1199-11-30) en Paruro Province
Morto	30-an de novembro 1229 (1229-11-30) (30-jaraĝa) en Kusko
Tombo	Kusko vd
Ŝtataneco	Inkaa imperio vd
Familio
Edz(in)o	Mama Ocllo (en) vd
Infanoj	Sinĉi Ruka vd
Profesio
Okupo	monarko reganto vd
Postenoj Postenoj Inkaa imperiestro (1200–1230) Inkaa imperiestro vd
vd	Fonto: Vikidatumoj
v • d • r

Manku Kapak (keĉue Manku Qhapaq, hispane Manco Cápac) estis laŭlegende la unua reĝo (Sinĉi) de la Inkaa imperio en Peruo, ĉirkaŭ la dekdua jarcento. Li estis filo de la sundio Inti, kiu kreis lin el ŝaŭmo de la lago Titikako. Poste Inti sendis lin kune kun lia fratino Mama Ocllo surteren por plibonigi la mondon. Inti donis al ili oran bastonon (Tupayawri), kiu devis enteriĝi je fekundeca loko kie ili fondu urbon. Ili atingis teron sur la suninsulo en lago Titikako kaj post iom da serĉado la bastono malaperis en la grundon. Tie ili fondis la urbon Qusqu (Kusko) kaj la inkaan imperion. Poste Manko Kapak instruis agrikulturon al la loĝantoj.

La miton oni trovas inter aliaj en la komentoj pri la inkaa imperio de la peru-hispana kronikisto Inkao Garcilaso de la Vega (1539-1616).

Tiu mito estas unu el pluraj kreadomitoj de la inkaoj kaj samtempe la plej juna, kiu gajnis specifan influon dum la 15-a jarcento. Erojn de tiu mito (Fondado de la urbo Qusqu per ora bastono) oni ankoraŭ nun rakontas en suda Peruo kiel parto de la Inkarrí-mito.

Laŭ la mito Manko Kapak estis patro de la dua inkao Sinĉi Ruka.

Li regis la reĝlandon de Kusko dum kelkaj kvardek jaroj, kaj mortis ĉirkaŭ 1107.